უბედური შემთხვევა ბაკურიანში – სნოუბორდისტი ნუგზარ დიაკონაშვილი ზვავმა მოიყოლა

შემთხვევა დღეს, 5 იანვარს, საღამოს მოხდა. გავრცელებული ინფორმაციით, ნუგზარ დიაკონაშვილი “კოხტა გორასა” და “დიდველს” შორის, გაუკვალავ თოვლში სრიალებდა. იგი მთიდან წამოსულმა ზვავმა მოიყოლა.

ნუგზარ დიაკონაშვილი 2015 წლის საქართველოს სნოუბორდ-კროსის ჩემპიონი იყო. იგი 2018 წლის კორეის ზამთრის ოლიმპიადისთვის ემზადებოდა, სადაც საქართველო უნდა წარედგინა.

საქართველოს შინაგან საქმეთა სამინისტროს ინფორმაციით, მომხდარზე შსს–მ ძიება სისხლის სამართლის კოდექსის 115–ე მუხლით დაიწყო, რაც თვითმკვლელობამდე მყვანას გულისხმობს.

[ნინო ნარიმანიშვილი, ბორჯომი]