თოფაძე–მრეწველები: ‘ოცნების’ თხოვნით 11 უბანზე კომისიის წევრები შევცვალეთ

საარჩევნო ბლოკიმა „თოფაძე–მრეწველები – ჩემი სამშობლო“ ახალციხის 13 უბნიდან კომისიის წევრები 11 უბანზე შეცვალა.

„უბანზე, სადაც შენი კომისიის წევრია და 0 მონაცემია იქ უკვე რაღაც საეჭვოა. უფრო მეტ მუშაობას მოვითხოვდი მათგან. ეს ჩემი ინიციატივაც იყო და მათიც“, – აცხადებს „თოფაძე–მრეწველები ჩემი სამშობლოს“ ყოფილი მაჟორიტარი დეპუტატი ახალციხე–ადიგენის ოლქშიტარიელ ხაჩიძე.

მისი თქმით, წევრების შეცვლის გადაწყვეტილება „ქართულ ოცნებასთან“ შეთანხმებით მიიღო.

„მე ოდითგანვე ვიყავი "ქართული ოცნების" წევრი, მერე კი შევიცვალე და წავედი სხვაგან, მაგრამ მე მათი არასდროს გავმხდარვარ. მე დავმარცხდი, მინდა ისეთი პოლიტიკური ძალა მოვიდეს სათავეში, რომელიც გამოადგება ქვეყანას. მე მივედი და დახმარება გამოვუცხადე „ქართულ ოცნებას“. იქ გავიარეთ დეტალებში ყველაფერი და შევთანხმდით, რომ რაღაც–რაღაცეები შეცვლილიყო. მათმა მთხოვეს, თუ შეძლებთო და წავედი და ყველაფერი გავაკეთე მათთან შეთანხმებით“, – განაცხადა „სამხრეთის კარიბჭესთან“ ტარიელ ხაჩიძემ.

შეგახსენებთ, რომ N44 ახალციხე–ადიგენის მაჟორიტარულ ოლქში, 18 უბნიდან, საუბნო კომისიების წევრები "თავისუფალმა დემოკრატებმაც", გაიწვიეს.

ახალციხის საოლქო საარჩევნო კომისია ახალ წევრებს დღეს დანიშნავს.

[თინათინ ზაზაძე, ახალციხე]