სამცხე-ჯავახეთის გუბერნიაში 25 ადგილისთვის 275 კანდიდატი იბრძვის

კნკურსში გასული მოქალქეების სია უკვე ცნობილია. სამხარეო ადმინისტრაციაში შექმნილი საკონკურსო კომისიის ინფორმაციით, გასაუბრებები შემდეგი განრიგით ჩატარდება:



კონკურსანტებმა რამდენიმე კრიტერიუმი უნდა დააკმაყოფილონ.

„მათ მოეთხოვებათ საკანონმდებლო აქტების ცოდნა; გარდა ამისა, შეფასდება მათი გამოცდილება და უნარ- ჩვევები. შეიძლება კომისიის თითოეულმა წევრმა თავისი ინიციატივით შეადგინოს კითხვარი, ამას კანონი არ კრძალავს“, - განმარტავს სახელმწიფო რწმუნებულის-გუბერნატორის აპარატის უფროსი გიორგი მიქელაძე.

378 აპლიკანტიდან, პირველი ეტაპი 103-მა კონკურსანტმა ვერ გადალახა. მათ შედეგს ოფიციალურად, ელექტორნული ფოსტით, 8-9 აპრილს აცნობებენ. პასუხის მიღებიდან 2 დღის ვადაში კონკურსანტებს შეუძლიათ პასუხი ადმინისტრაციაში შექმნილ საპრეტენზიო კომისიაში გაასაჩივრონ. სამწევრიან კომისიაში არიან: ლევან ცაბაძე, - კომისიის თავმჯდომარე (ასპინძის მუნიციპალიტეტის გამგებელი), ზაქარია ენდელაძე -კომისიის წევრი (ადიგენის მუნიციპალიტეტის გამგებლის მოვალოების შემსრულებელი) და დიმიტრი ყიფიანი, -კომისიის წევრი (ბორჯომის მუნიციპალიტეტის გამგებლის მოადგილე).

გიორგი მიქელაძის განმარტებით, პირველი ეტაპი იმ კონკურსანტებმა ვერ გადალახეს, რომელთაც დოკუმენტაცია არ ჰქონდათ სრულად წარდგნილი, ან ასაკობრივ მოთხოვნებს არ აკმაყოფილებდნენ.

„იყვნენ 21 წელზე პატარა ასაკის კონკურსანტები, მათი საჯარო სამსახურში მიღება კანონით იკრძალება. 35 წლამდე ასაკის მოქალქეებს სურდათ მაშველ-მეხანძრედ მუშაობის დაწყება, რაც ასევე იკრძალება კანონით“, - ამბობს მიქელაძე.

შეგახსენებთ, რომ სამხარეო ადმინისტრაციაში მოხელეთა შესარჩევი კონკურსი 18 მარტს გამოცხადდა. საბუთების მიღება 27 მარტს დასრულდა. 25 ვაკანსიაზე 378 განაცხადი შევიდა.

[მანანა სარაშვილი, ახალციხე]