ახალციხელმა სტუდენტებმა იმიტირებული სასამართლო გამართეს

„ნარკოტიკული დანაშაული - სისხლის სამართლის კოდექსის 260 -ე მუხლის I ნაწილი“ („დანაშაულის კვალიფიკაცია”), - ამ მიმართულებით გამართეს პროცესი სტუდენტებმა.

იმიტირებულ სასამართლოს ყოფილი მოსამართლე, უნივერსიტეტის პედაგოგი ნელი ღონღაძე ხელმძღვანელობდა. მისი თქმით, სტუდენტებმა პროცესს თავი კარგად გაართვეს: „ასეთი პროცესები ემსახურება როგორც იურიდიული განათლების ხარისხის გაუმჯობესებას, ასევე სამართლის მიმართულებით პრაქტიკის გაუმჯობესებას“.

სასამართლო პროცესის დამთავრების შემდეგ, იურისტებმა დისკუსია გამართეს. დისკუსიაში ჩაერთნენ სამართლის დოქტორი, პროფესორი გიორგი ჭილაძე და უნივერსიტეტის პრორექტორი, ისტორიის დოქტორი, პროფესორი ნიკო ახალკაცი. მათ საქართველოში ნარკოდანაშაულის სტატისტიკასა და პრობლემებზე ისაუბრეს.

[sknews.ge]