ახალციხის უნივერსიტეტში გრიგოლ ხანძთელის ცხოვრება გაიხსენეს

ისტორიის, ფილოლოგიისა და დაწყებითი განათლების სტუდენტებმა გრიგილ ხანძთელისა და გიორგი მერჩულეს შესახებ ხუთი თემა წარმოადგინეს. სტუდენტები საკონფერენციო თემებზე სამი კვირის განმავლობაში მუშაობდნენ.

სამცხე-ჯავახეთის სახელმწიფო უნივერსიტეტის სრული პროფესორი ქართული ლიტერატურის სპეციალისტი ნესტან სულავა ამბობს, რომ სტუდენტებმა დავალებას თავი კარგად გაართვეს.

კონფერენცია იმ პროექტის გაგრძელებაა, რომელიც გასულ წელს დაიწყო და ტაო-კლარჯეთის ისტორიული ძეგლების შესწავლას ითვალისწინებს.

პროექტის ერთ-ერთი ავტორის და კონფერენციის ორგანიზატორის მედეა კოპაძის თქმით, პროექტის ფარგლებში რამდენიმე ღონისძიება გაიმართა.

„ბოლო ღონისძიება გასულ კვირას გავმართეთ, გრიგოლ ხანძთელის ხსენების დღეს გამოფენა მივუძღვენით. წელს ვამთავრებთ უნივერსიტეტს და გვინდა, რომ მომავალმა თაობამ გააგრძელოს ეს ტრადიცია“,-ამბობს იგი.

მერაბ ბერიძის თქმით, სტუდენტებმა მოახერხეს ის, რაც პროფესორ-მასწავლებლებმა ვერ შეძლეს.

„სტუდენტებმა თემები მრავალმხრივად გააკეთეს. მანამდე თეორიულად შეისწავლეს ტაო-კლარჯეთის ძეგლები, მერე ადგილზე ჩავიდნენ და ისე შეისწავლეს, ფოტოები გადაიღეს და იქამდე მივიდნენ, რომ კონფერენცია ჩაეტარებინათ. ეს უკვე არის სამეცნიერი საქმიანობა“,-ამბობს მერაბ ბერიძე.

[მანანა სარაშვილი, ახალციხე]