სტუდენტები იმიტირებულ სასამართლო პროცესზე

იმიტირებულ სასამართლო პროცესში მონაწილოება პირველი და მეოთხე კურსის სტუდენტებმა მიიღეს. მათ სისხლის სამართლის საქმე, თაღლითობა 180 მუხლის მეორე ნაწილის ბ და მესამე ნაწილის ბ ქვე ბუნქტები განიხილეს.

სამცხე-ჯავახეთის სახელმწიფო უნივერსიტეტის იურიდიული ფაკულტეტის პედაგოგის და ამავდროულად იმიტირებული სასამართლო პროცესების კონსულტანტის ნელი ღონღაძის თქმით იმიტირებული სასამართლო პროცესი ხელს შეუწყობს სტუდენტების უნარ-ჩვევების ჩამოყალიბებას.

„მათთვის ეს ერთგვარი პრაქტიკაა, რადგან მათი უმრავლესობა მოსამართლე, პროკურორი ან ადვოკატი უნდა გახდეს. სამომავლოდ უფრო გაბედულებიც გახდებიან, ამავდროულად მათ მეტყველების განვითარებასაც ეწყობა ხელი“, - ამბობს ნელი ღონღაძე.

მისივე თქმით, სტუდენტების მონაწილოებით სამომავლოდ მსგავსი იმიტირებული პროცესები კიდევ გაიმართება: „სტუდენტებს კიდევ აქვთ დაგეგმილი იმიტირებული სასამართლო პროცესები სისხლის, სამოქალაქო და ადმინისტრაციული სამართალწარმოების მიმართულებით“.

სტუდენტების მიერ გამართულ იმიტირებულ სასამართლო პროცესს ახალციხის რაიონული სასამართლოს თანამშრომლებიც ესწრებოდნენ. სხდომა დაახლოებით ერთ საათს გაგრძელდა.

[მანანა სარაშვილი, ახალციხე]