ტრადიციული თათბირი ტრადიციული პრობლემებით

ორშაბათის ტრადიციული თათბირი გამგეობაში სასოფლო-სამეურნეო ბარათებზე საუბრით დაიწყო. ახალციხის მუნიციპალიტეტის სოფლებში ბარათების დარიგება ორ დღეში დასრულდება.

’როგორც რწმუნებულებმა აღნიშნეს რამდენიმე სოფელს სიებთან დაკავშირებით უმნიშვნელო პრობლემები შეექმნა და ამიტომ დამატებითი სიები კეთდება. დაპირებულ ბართებს ყველა მოსახლე მიიღებს’ - ამბობს ახალციხის მუნიციპალიტეტის გამგებლის მოვალეობის შემსრულებელი ბესიკ ბლიაძე.

პამაჯის ტერიტორიული ორგანოს რწმუნებულმა კარლენ კარახანინმა გამგებლის მოვალეობის შემსრულებელს თხოვნით მიმართა.

’გამგებელს ვთხოვე, ბიუჯეტიდან დაგვიმატოს თანხა სოფლის დახმარების პროგრამაზე რადგან, სოფელს ორი მნიშვნელოვანი პრობლემა აქვს მოსაგვარებელი გამოყოფილი თანხით. მოსახლეობამ გადაწყვიტა სოფელში სასმელი წყლის ახალი მაგისტრალი გაკეთდეს, დარჩენილი თანხით გვინდა სოფელში სახურავი შევუკეთოთ სოფლის საკრებულოს, სადაც საბავშო ბაღიც ფუნქციონირებს და წვიმის დროს წყალი ჩამოდის’, - ამბობს კარახანიანი.

ბლიაძემ პამაჯის რწმუნებულს ამ საკითხთან დაკავშირებით ხარჯთაღრიცხვის შედგენა შესთავაზა, რომელსაც შემდგომ განიხილავენ.

თათბირზე ასევე განიხილეს ქალაქში არსებული მოუწესრიგებელი საკანალიზაციო სისტემის შესახებ, დიდიმამიშვილის ქუჩას ფეკალური მასები ტბორავს.

’დღესვე დავუკავშირდები წყალკანალს და მოვაგვარებთ ამ პრობლემას’, -განაცხადა ბლიაძემ.

[ნუკა სტეფნაძე, ახალციხე]