ახალციხის ახალმა გამგებელმა რწმუნებულებს მოუსმინა

ტერიტორიული ორგანოების რწმუნებულებმა და გამგეობის სამსახურის უფროსებმა გამგებლის მოვალეობის ახალ შემსრულებელს მუნიციპალიტეტის პრობლემები გააცნეს.

აწყურის ტერიტორიული ორგანოს რწმუნებულმა შუქრი გოგოლაძემ აწყურში მეწყერის შედეგად დაზარალებული ოაჯხების პრობლემებზე ისაუბრა. მისი თქმით 12 ოჯახი მთავრობისგან დახმარებას ელოდება.

გამგებლის მოვალეობის შემსრულებელმა აღნიშნა, რომ ამ საკითხს სერიოზული ფიქრი და მუშაობა სჭირდება.

დღევანდელ თათბირზე სასოფლო-სამეურნეო ვაუჩერების დარიგებაზეც ისაუბრეს. სოფლის მეურნეობის სამსახურის უფროსმა ზაზა ხუციშვილმა აღნიშნა, რომ ვაუჩერები ჯერ არ ჩამოსულა და მიმდინარე კვირის ბოლომდე ელოდებიან.

”სოფლების უმეტესობას სასმელი წყლისა და გზის პრობლემა აქვს. მოსახლეობის ძირითად პრობლემას უმუშევრობა წარმოადგენს. აუცილებლად გავალ სოფლებში, პირადად შევხვდები მოსახლეობას და მათ პრობლემებს გავეცნობი”, - განაცხადა ბესიკ ბლიაძემ.

[თამარ თოთაძე, ახალციხე]