ადიგენის თვითმმართველობაში დღეს რწმუნებულებსა და ეკონომიკის სამსახურის თანამშრომლებს შეარჩევენ

საკონკურსო - საატესტაციო კომისიის თავმჯდომარის თემურ ფეიქრიშვილის განმარტებით, აღნიშნულ პოზიციებზე ჯამში 25 განაცხადია შესული.

გასაუბრების მესამე ეტაპი პარასკევს, 14 მარტს გაიმართება. მესამე ეტაპზე გასაუბრებას ის კონკურსანტები გაივლიან, რომელთაც განაცხადი სახანძრო-სამაშველო სამსახურის მთავარი სპეციალისტის პოზიციაზე აქვთ შეტანილი. შეგახსენებთ, აღნიშნულ პოსტზეა შესული ყველაზე მეტი, 29 განცხადება.

შეგახსენებთ, რომ ადიგენის თვითმართველობაში შვიდ ვაკანტურ პოსზტე კონკურსი 20 იანვარს გამოცხადდა. განცხადებების მიღება 3 თებერვალს დასრულდა. გამგეობაში 111 განაცხადი შევიდა, აქედან, პირველი ეტაპს, საბუთების გადარჩევას, 85 კონკურსანტი დაექვემდებარა.

გასაუბრების პირველი ეტაპი 11 მარტს გაიმართა. ამ დღეს გასაუბრება იმ კონკურსანტებმა გაიარეს, რომელთაც განაცხადი საკრებულოს იურისტისა და მატერიალურ ტექნიკურ უზრუნველყოფის საკითხებში მთავარ სპეციალისტის პოზიციებზე ჰქონდათ შეტანილი.

[მანანა სარაშვილი, ადიგენი]