ახალციხის მერიაში სამ ვაკანტურ პოზიციაზე განაცხადი არ შევიდა

ახალციხის მერიაში, 13 ვაკანტურ პოზიციაზე, 79–მა განმცხადებელმა, 147 განაცხადი შეიტანა. ამათგან, გადარჩევის ეტაპი წარმატებით 42–მა აპლიკანტმა გაიარა.

ყველაზე მეტი, 38 განაცხადი, მატერიალურ– ტექნიკურ საკითხებში სპეციალისტის პოზიციაზეა შესული. არცერთი განაცხადი არ შესულა სამ პოზიციაზე: მთავარი სპეციალისტი არქიტექტურის საკითხებში, სივრცითი მოწყობისა და არქიტექტურის განყოფილების უფროსი და შესყიდვების განყოფილების უფროსი.

როგორც ახალციხის მერიაში განმარტავენ, გასაუბრების დასრულების შემდეგ, აღნიშნულ პოზიციებზე კონკურსი ხელახლა გამოცხადდება.

შეგახსენებთ, რომ ახალციხის მერიაში ვაკანტურ 13 პოზიციაზე კონკურსი 6 მარტს გამოცხადდა. განაცხადების მიღების ბოლო ვადა კი 15 მარტი იყო.

[ლუბა გიორგაძე, ახალციხე]