ვინ შეასრულებს ახალციხის გამგებლის მოვალეობას?

ბლიაძის სამსახურეობრივი უფლებამოსილების შეჩერების შესახებ ახალციხის ადგილობრივ თვითმმართველობაში „სამხრეთის კარიბჭესგან“ შეიტყვეს. თვითმმართველობას ჯერ ოფიციალური დოკუმენტი გამგებლის მოვალეობის შემსრულებლის უფლებამოსილების შეჩერების შესახებ არ ჩაბარებია.

საკრებულო ბლიაძის შემცვლელის შერჩევაზე მხოლოდ აღნიშნული დოკუმენტის მიღების შემდეგ იმსჯელებს.

„საკრებულოს თავმჯდომარე გადაწყვეტს თუ ვინ შეასრულებს გამგებლის მოვალეობას. არსებული კანონმდებლობით გამგებელს სწორედ საკრებულოს თავმჯდომარე ნიშნავს საკრებულოსთან შეთანხმებით“, - ამბობს ახალციხის მუნიციპალიტეტის საკრებულოს თავმჯდომარე ოლეგ სანდროშვილი.

შეგახსენებთ, რომ ახალციხის მუნიციპალიტეტის ყოფილ გამგებელს ბრალი 24 მარტს წაუყენეს. მას ბრალი სსკ-ის 341-ე მუხლით ედება, რაც სამსახურეობრივ სიყალბეს გულისხმობს. აღნიშნული მუხლი 2-დან 4 წლამდე თავისუფლების აღკვეთას ითვალისწინებს. ბლიაძეს გირაო 4 000 ლარი, ახალციხის რაიონულმა სასამართლომ 25 მარტს შეუფარდა, ასევე 25 მარტს გამოიტანა გადაწყვეტილება მისი უფლებამოსილების შეჩერების შესახებ.

[თამუნა უჩიძე, ახალციხე]