საგამოცდო ციებ-ცხელება გრძელდება

ახალციხის საგამოცდო ცენტრში დარეგისტრირებული 240 აბიტურიენტიდან ინგლისური ენის გამოცდაზე ორი არ გამოცხადდა.

აბიტურიენტებისთვის უცხო ენების გამოცდა 2 ივლისს დაიწყო და ოთხ სესიად 2,3,4 და 5 ივლისს ჩატარდება.

საგამოცდო ცენტრის ადმინისტრატორის გელა ინასარიძის თქმით, გამოცდები მშვიდ ვითარებაში მიმდინარეობს: ”დღის პირველ ნახევარში გამოცდას პროფესიულ უნარებში მასწავლებლები აბარებდნენ, მორე ნახევარში კი აბიტურიენტებმა უცხო ენა ჩააბარეს”.

აბიტურიენტების გარდა დღეს გამოცდებს პედაგოგებიც აბარებდბნენ. პროფესიული უნარების გამოცდის დღევანდელ სესიაზე დარეგისტრირებული 315 მასწავლებლიდან გამოცდაზე 49 არ გამოცხადდა. პროფესიული უნარების შემდეგ პედაგოგები გამოცდას ქართულ ენასა და ლიტერატურაში ჩაბარებენ.

რაც შეეხება ერთიან ეროვნულ გამოცდებს, 28 ივნისს ქართულ ენისა და ლიტერატურის გამოცდით დაიწყო და 19 ივლისს ქიმიის გამოცდით დასრულდება.


[თინათინ ზაზაძე, ახალციხე]