პედაგოგები პროფესიული უნარების გამოცდას აბარებენ

2012 წლის მასწავლებელთა სასერტიფიკაციო გამოცდისთვის რეგიტრაცია 8 საათზე, პროფესიული უნარების გამოცდა კი 9 საათზე დაიწყო.

ახალციხის საგამოცდო ცენტრის ადმინისტრატორის გელა ინასარიძის თქმით, მასწავლებელთა სასერტიფიკაციო გამოცდები მშვიდ ვითარებაში მიმდინარეობს. პროფესიული უნარების გამოცდის პირველ სესიაზე დარეგისტრირებული 299 მასწავლებლიდან გამოცდაზე 49 პედაგოგი არ გამოცხადდა.

მთელი საქართველოს მასშტაბით გამოცდები პროფესიულ უნარებში 2, 3, 4 და 5 ივლისს ჩატარდება და თითო სესია ხუთი საათი და 30 წუთი გაგრძელდება.

საქართველო განათლებისა და მეცნიერების სამინისტროს ინფორმაციით, გასულ წელთან შედარებით სასერტიფიკაციო გამოცდაზე გასვლის მსურველთა რაოდენობამ მნიშვნელოვნად მოიმატა. 2011 წელს რეგისტრაცია 24 ათასამდე პედაგოგმა გაიარა, ხოლო 2012 წელს ეს რიცხვი 40 ათასამდე გაიზარდა.

-”სასერტიფიკაციო გამოცდებისთვის ჩვენ ყველა მასწავლებელი მოვამზადეთ. ყველა მსურველს შესაძლებლობა ჰქონდა გაევლო ტრენინგები, როგორც პროფესიულ უნარებში, ასევე თითოეულ საგანში”, - ამბობს მასწავლებელთა პროფესიული განვითარების ეროვნული ცენტრის დირექტორი გიორგი მამულაშვილი.

პროფესიული უნარების გამოცდის შემდეგ მეორე სესიაზე უცხო ენის გამოცდას აბტურიენტები ინგლისურსა და გერმანულ ენებში ჩააბარებენ. გამოცდისთვის რეგიტრაცია 3 საათზე, უცხო ენის გამოცდა კი 4 საათზე დაიწყება.

[sknews. ge]