პროფესიული უნარების მეორე სესია მთავრდება

პედაგოგების ნაწილი დღეს გამოცდას ისევ პროფესიულ უნარებში აბარებს, რომელიც ოთხ სესიად 2, 3, 4 და 5 ივლისს ტარდება.

ახალციხის საგამოცდო ცენტრში პროფესიული უნარების მეორე სესიაზე დარეგიტრირებული 307 მასწავლებლიდან 36 გამოცდაზე არ გამოცხადდა. ხოლო ერთმა პედაგოგმა რეგიტრაცია დაგვიანების გამო ვერ გაიარა და გამოცდაზე ვეღარ მოხვდა.

გამოცდიდან გამოსული პედაგოგების თქმით, პროფესიული უნარების ტესტები საშუალო სირთულის იყო.

- ”საშუალო სირთულის გამოცდა იყო და ჩემი შედეგით კმაყოფილი ვარ, ვფიქრობ, რომ მინიმალურ ბარირეს მაინც გადავლახავ, გავიარე სპეციალური ტრენინგები პროფესიულ უნარებში და საშუალოდ მომაზდებული ვიყავი”, - ამბობს სოფელ არლის საჯარო სკოლის ქართული ენისა და ლიტერატურის მასწავლებელი მაია ბერიძე, რომელიც სასერთიფიკაციო გამოცდებზე წელს პირველად გავიდა. მომდევნო გამოცდას კი საკუთარ საგანში 6 ივლისს ჩააბარებს. მისივე თქმით, პროფესიული უნარების გამოცდასთან შედარებით მასწავლებლებს საგნობრივი გამოცდის ჩაბარება უფრო მეტად უძნელდებათ.

პროფესიული უნარების გამოცდის შემდეგ მასწავლებლები ქართული ენისა და ლიტერატურის გამოცდას ჩააბარებენ.

[თამარ თოთაძე, ახალციხე]