სისხლიანი გარჩევა ახალციხეში

შემთხვევა გუშინ ღამით, დაახლოებით 12:00 საათისთვის მოხდა. თამარაშვილის ქუჩაზე სისხლის კვალი ჯერ ისევაა.

როგორც თვითმხილველები ”სამხრეთის კარიბჭესთან” პირად საუბარში ამბობენ, შელაპარაკება პატრულის თანამშრომლებსა და რაბათში სამშენებლო სამუშაოებზე დასაქმებულებს შორის მოხდა, რომლებიც რაბათში სამუშაოდ ქალაქ რუსთავიდან ჩამოვიდნენ: ”ყველა მთვრალი იყო. ზურაბ ძოწენიძეს თან მირზა მანჩხაშვილიც ახლდა. შელაპარაკდნენ, ერთმანეთს აღარ დაუთმეს და ბერიძემ ძოწენიძე დაჭრა”.

დაშავებულები, ძოწენიძე და ბერიძე, ახალციხის რაიონულ საავადმყოფოში დაახლოებით 00:30 საათზე მიიყვანეს.

- ”ზურაბ ძოწენიძე თანამშრომლებმა მოიყვანეს. აღენიშნებოდა მრავლობითი სისხლმდენი ჭრილობა გულმკერდის არეში. ასევე სისხლმდენი ჭრილობა ჰონდა მარცხება ბარძაყის არეში, წელზე მარცხნივ და კისერზე”, - გვიხსნის ახალცხიის რაიონული საავამდყოფოს მორიგე ქირურგი გენადი ხატიძე.

მისივე თქმით, ძოწენიძეს ჩაუტარდა პირველადი დახმარება, ჭრილობა გაიკერა, გულმკერდის არეში არსებული ნაიარევი დაუტამპონდა და რადგან მისი მდგომარეობა დამაკმაყოფილებელი იყო, შეჩერებული ჰქონდა სისხლდენა, მკურნალობისა და გამოკლვევის მიზნით თბილისში, შესაბამის კლინიკაში კატასტროფის სამსახურმა გადაიყვანა.

- ”როგორც ვიცი, ერთმანეთში მოუხდათ შელაპარაკება ძოწენიძესა და ბერიძეს. რაც შეეხება ბერიძის მდგომარეობას, თავზე, თხემის არეში ჰქონდა სისხლმდენი ჭრილობა. დავუმუშავეთ, გავუკერეთ, გასინჯა ნევროპათოლოგმა. ჩაუტარდა რენდგენოგრაფიული გამოკლვევაც”, - ამბობს ხატიძე და ამატებს, რომ ბერიძემ სტაციონარში დარჩენასა და მკურნალობაზე კატეგორიული უარი განაცხადა.

ბერიძემ ხელმოწერით დაადასტურა, რომ სტაციონარში მკურნალობაზე უარს საკუთარი სურვილით აცხადებდა.

- ”საღ აზრზე იყო, სისხლდენაც შეჩერებული ჰქონდა. საავადმყოფოდან ბერიძე პოლიციამ წაიყვანა”, - გვითხრა ხატიძემ.

[თამუნა უჩიძე, ახალციხე]