ახალციხეში 55 წლის კაცს გველმა უკბინა

შემთხვევა დღეს, 27 ივნისს მოხდა. კაცი ამჟამად ახალციხის რეფერალურ ჰოსპიტალშია.

„მდგომარეობა შედარებით დასტაბილურდა, მაგრამ უკეთესია, რომ გადავიდეს თბილისში, რადგან სჭირდება ტოქსიკური მეთვალყურეობის ქვეშ დაკვირვება. თუმცა თავად პაციენტი უარს ამბობს თბილისში გადასვლაზე. ჩვენ შევუთანხმეთ კლინიკა, მაგრამ უარზე მოგვიწერა ხელი, არ გადავალო“, – ამბობს კლინიკის ქირურგი გენადი ხატიძე.

მისივე თქმით, შხამიანია თუ არა ქვეწარმავალი, ჯერ უცნობია.

როგორც 55 წლის კაცი ამბობს, მდინარეში ხელებს იბანდა და გველმა ამ დროს, მარცხენა მაჯის არეში უკბინა.

[თაკო ფეიქრიშვილი, ახალციხე]