ახალციხეში დაგეგმილი 19 პროექტიდან, 3 გარდამავალ პროექტებში გადავიდა

საქართველოს რეგიონული განვითარებისა და ინფრასტრუქტურის სამინისტრომ პირველ ეტაპზე 13 პროექტი დაამტკიცა, შემდეგ კი კიდევ ექვსი პროექტი დააფინანსა.

• სარაჯიშვილის, ხაშურის, მარჯანიშვილის, წმინდა დავითისა და კონსტანტინეს, პეტრიწის, გვარამაძის, სააკაძის და მებაღიშვილის ქუჩების გზების რეაბილიტაცია - 1, 927,600 ლარი;
  
• სოფელ წინუბნისა და აბათხევის სასმელი წყლის რებილიტაცია - 39,290 ლარი;
  
• სოფელ წნისის სასმელი წყლის სათავე-ნაგებობების და მაგისტრალის მოწყობა - 126,160 ლარი;
  
• სოფელ მუგარეთის სასმელი წყლის სისტემის რეაბილიტაცია 53,260;
  
• სოფელ ფერსაში სასმელი წყლის რეაბილიაცია - 37,100 ლარი;
  
• სოფელ გიორგიწმინდაში სასმელი წყლის სისტემის რეაბილიტაცია - 14,410 ლარი;
  
• სოფელ სვირის სასმელი წყლის სისტემის მოწყობა - 111,500 ლარი;
  
• სოფელ აგარის სასმელი წყლის სისტემის მოწყობა 269,660 ლარი;
  
• სოფელ აწყურში გზის რეაბილიტაცია - 23, 000 ლარი;
  
• სოფლების თისელი-აწყურის სასმელი წყლის სისტემის მოწყობა 63,010 ლარი;
  
• ახალციხე-ღრელის გზის რეაბილიტაცია - 29,210 ლარი;
  
• ვალის შიდა გზებისა და სანიაღვრე არხების რეაბილიტაცია - 90,210;
  
• სოფელ კლდის სასმელი წყლის სისტემის რეაბილიტაცია - 103,600 ლარი.
  

მეორე ეტაპზე დაფინანსებული პროექტების სია კი ასე გამოიყურება:

• 9 აპრილის ქუჩაზე სკვერის მოწყობა და კორპუსებთან მისასვლელი გზის რებილიტაცია - 400, 000 ლარი;
  
• თამარაშვილის ქუჩაზე სკვერის მოწყობა და კორპუსებთან მისასვლელი გზის რეაბილიტაცია - 298,179 ლარი;
  
• თბილისის ქუჩის კეთილმოწყობა - 79,655 ლარი;
  
• ჯაყელის ქუჩის რებილიტაცია - 349,985 ლარი;
  
• ხეოთი-მუსხის საავტომობილო გზის რებილიტაცია - 219,610;
  
• ასპინძის ქუჩაზე კორპუსებთან მისასვლელი გზის მოასფალტება და სკვერის რეაბილიტაცია 199,780 ლარი.
  

ახალციხის მუნიციპალიტეტის გამგეობაში განმარტავენ, რომ აქედან მხოლოდ რამდენიმე პროექტი არ დასრულებულა.

„სიცივეებისა და დიდთოვლობის გამო რამდენიმე პროექტი შევაჩერეთ, ხეოთის გზისთვის ინერტული მასალის მოპოვება ვერ ხდება, გარდამავალ პროექტებში გადავა და როგორც კი შესაძლებელი იქნება სამუშაოები აღდგება“, - განმარტავს ახალციხის მუნიციპალიტეტის გამგებლის მოვალეობის შემსრულებელი ბესიკ ბლიაძე.

უამინდობის გამო შეჩერდა 9 აპრილის ქუჩაზე სკვერის მოწყობაც. ხოლო ჯაყელის ქუჩის რეაბილიტაცია იმის გამო ვერ დაიწყო, რომ პირველ ეტაპზე ტენდერში გამარჯვებულ კომპანიას დოკუმენტაციაში შეაუსაბამობა ჰქონდა და დისკვალიფიკაცია მიენიჭა.

„9 აპრილის ქუჩაზე დარჩენილია ქვაფენილი დაგება. ჯაყელის ქუჩის რეაბილიტაციისთვის კი ტენდერი მეორედ გამოვაცხადეთ, გამარჯვებული უკვე გამოვლენილია, დოკუმენტაციას ვამოწმებთ და ალბათ ესეც გარდამავალ პროექტებში ჩაითვლება, რომელიც 2014 წელს დასრულდება“, - განმარტავს ბლიაძე.

გარდა ამ დარჩენილი სამი პროექტისა, 2014 წელს იგივე ფონდის დაფინანსებით კიდევ რამდენიმე პროექტი განხორციელდება. შეგახსენებთ, უკვე ცნობილია, რომ 2014 წელს პირველ ეტაპზე რეგიონული განვითარების სამინისტრომ ახალციხის მუნიციპალიტეტს 4 პროექტი დაუფინანსა.

[sknews.ge]