”სამცხე-ჯავახეთის ფესტივალი 2012”

ფესტივალს ახალციხე-ახალქალაქის გზატკეცილზე მდებარე ხელოვნური ტბის ამფითეატრში, მკლავჭიდის ჩემპიონატი გახსნის. მასში მონაწილეობა რეგიონში მცხოვრებ ყველა მსურველს შეეძლება.

ფესტივალის ფარგლებში 2 ივლისიდან 23 სექტემბრამდე რეგიონის ექვსივე მუნიციპალიტეტში სხვადასხვა სპორტული ღონისძიებები გაიმართება.

ფესტივალის განრიგი ასეთია:

2 ივლისი, ახალციხე, ტბა - მკლავჭიდი;
8 ივლისი, ასპინძა, - ბირთვის კვრა;
14 ივლისი, ახალციხე, ტბა - საერთაშორისო გარბენი;
19-22 ივლისი, ახალქალაქი - კრივი;
25 ივლისი - 1 აგვისტო, აბასთუმანი - საჭადრაკო ტურნირი;
20 აგვისტო, ბორჯომი - ქართული ჭიდაობა;
20 აგვისტო, ბორჯომი - ნარდი;
25-26 აგვისტო, ბორჯომი - კალათბურთი;
1 სექტემბერი, ნინოწმინდა - კლასიკური ჭიდაობა;
4-16 სექტემბერი, ასპინძა - მინი ფეხბურთი;
20 სექტემბერი, ახალციხე, ტბა -კარატე;
23 სექტემბერი, ტბა - ცეკვისა და სიმღერის ფესტივალი;

”სამცხე-ჯავახეთის ფესტივალი 2012” საქართველოს სპორტისა და ახალგაზრდობის საქმეთა სამინისტროს ინიციატივითა და სამცხე-ჯავახეთის სამხარეო ადმინისტრაციის ორგანიზებით ეწყობა.

ფესტივალის ჩატარების იდეა მიმდინარე წლის 13 ივნისს, სამხარეო ადმინისტრაციაში გამართულ შეხვედრაზე გაჩნდა, რომელსაც სპორტისა და ახალგაზრდობის საქმეთა მინისტრის მოადგილეები - დავით ნამგალაური და გიორგი გალდავა და სხვადასხვა სპორტული ფედერაციების ხელმძღვანელები ესწრებოდნენ.

ფესტივალის მიზანია ხელი შეუწყოს რეგიონში ცხოვრების ჯასაღი წესის პროპაგანდას.

„სამცხე–ჯავახეთის ფესტივალი 2012" ხელოვნური ტბაზე 23 სექტემბერს, ცეკვისა და სიმღერის კონცერტით დასრულდება.



[sknews.ge]