დღეს სპორტული ფესტივალის მორიგი ღონისძიება გაიმართა

შეჯიბრში რეგიონის მასშტაბით, სხვადასხვა ასაკის 300-მდე მსურველი მონაწილეობდა. სამცხე-ჯავახეთის სამხარეო ადმინისტრაციის შენობის მიმდებარე ტერიტორიიდან ხელოვნურ ტბამდე მანძილი მათ რეგლამენტირებულ დროში უნდა დაეფარათ.

გამარჯვებულები და პრიზიორები დიპლომებით, მედლებითა და ფულადი პრემიით საქართველოს მძლეოსნობის ფედერაციის გენერალურმა მდივანმა - ალექსანდრე ჯაფარიძემ, ფედერაციის გენერალურმა დირექტორმა ამბროსი მატიაშვილმა, ახალციხის მუნიციპალიტეტის გამგებელმა გელა დემეტრაძემ, სპორტისა და ახალგაზრდულ საქმეთა სამინისტროსა და სააქციო საზოგადოება ,,ჰაიდელბერგცემენტის’’ წარმომადგენლებმა დააჯილდოეს.

პირველ ადგილზე გასული მონაწილე 300 ლარით, მეორე ადგილზე გასული 200 ლარით, ხოლო მესამე ადგილის მფლობელი 100 ლარით დასაჩუქრდა. ტურნირის ყველა მონაწილეს კი საჩუქრად ფესტივალის მაისურები გადაეცა.

გამარჯვებულები სხვადასხვა ასაკობირვ კატეგორიაში გამოვლინდნენ.

17 წლამდე - გოგონები: თინათინ პაპუაშვილი - I, დიანა ჯინესიანი- II, ნუემ პაპიკიანი - III; ვაჟები: გიორგი ოგანესიანი - I, არმენ მარგარიანი - II, გელა ტაბატაძე -III;

18-29 წლამდე გოგონები და ვაჟები: გაიანე უსტიანი -I , ანდრანიკ ბატოიანი - I , გიგლა ზილბერშტეინი - II , ლუდვიგ ზილბერშტეინი - III;

30-49 წლამდე - გოგოლაძე დიანა - I , ბერიძე სვეტლანა - II ; გელა ძამუნაშვილი - I, ხარუტ ხოჟბეგიანი - II , პაატა ამბარცუმიანი - III;

50 წლის და უფროსი: ოლღა ლეკიშვილი - I , სერგო არუთუნიანი - I, აკოფ მადოიანი - II, სერგო ჩარუხჩიანი - III

სპორტული ფესტივალის მორიგი ღონისძიება - ჩემპიონატი კრივში 19-22 ივლისს ახალქალაქის მუნიციპალიტეტში გაიმართება.