”სამცხე-ჯავახეთის ფესტივალი 2012” დაიწყო

სამცხე-ჯავახეთში სპორტული ფესტივალი საქართველოს სპორტისა და ახალგაზრდობის საქმეთა სამინისტროს ინიციატივით ეწყობა, რომელსაც ორგანიზებას სამცხე-ჯავახეთის სამხარეო ადმინისტრაცია უწევს.

ახალციხე-ახალქალაქის გზატკეცილზე მდებარე ხელოვნურ ტბაზე ფესტივალი დღეს მკლავჭიდის შეჯიბრებით გაიხსნა. რომელიც ხუთ წონით კატეგორიაში ჩატარდა და მასში მონაწილეობას რეგიონის ექვსივე მუნიციპალიტეტის 255 სპოტსმენი იღებს.

- ”შეჯიბრი ძალიან კარგად მიდის და ყველაფერი მაღალ დონეზეა. ფესტივალის მიზანია ხელი შეუწყოს რეგიონში ცხოვრების ჯასაღი წესის პროპაგანდას და ადგილზე განვითარდეს სპორტის ის სახეობა, რომელსაც მკლავჭიდი ჰქვია”, - ამბობს მკლავჭიდის ეროვნული ფედერაციის პრეზიდენტი ერეკლე გურჩიანი.

გამარჯვებულები სპეციალური მედლებითა და სიგელებით დაჯილდოვდებიან.

ფესტივალის ფარგლებში მომდევნო ღონისძიება ასპინძის მუნიციპალიტეტში რვა ივლისს ჩატარდება.

[თამარ თოთაძე, ახალციხე]