ახალციხის 16 ქუჩას სასმელი წყალი არ აქვს – როდის აღდგება მიწოდება

როგორც "საქართველოს გაერთიანებული წყალმომარაგების კომპანიის" საზოგადოებასთან ურთიერთობის სამსახურში განაცხადეს, ამ დროისთვის სასმელი წყალი არ მიეწოდება შემდეგ ქუჩებს: ივერიელის, ათონელის, დემეტრე თავდადებულის, კლდიაშვილის, კოსტავას (სამხედრო შტაბიდან–გამგეობამდე), მანველიშვილის, წმინდ ანდრია პირველწოდებულის, მებაღიშვილის, თაყაიშვილის, დანიელაშვილის, ახვლედიანის, გამრეკელის, დიდიმამიშვილის, შალვა ახალციხელის, ილია მართლისა და თაბუკაშვილის.

ქალაქ ახალციხეში სულ 8.541 აბობენტია, წყალი 11 პროცენტს არ მიეწოდება.

საქართველოს გაერთიანებული წყალმომარაგების კომპანიაში განმარტავენ, რომ წყლის მიწოდება ავარიის გამო შეწყდა, დაზიანებულია ცენტრალური მაგისტრალი და აღდგენითი სამუშაოები ამ დრომდე მიმდინარეობს.

საზოგადოებასთან ურთიერთობის სამსახურში ამბობენ, რომ წყლის მიწოდება დაახლოებით 18:00 საათზე აღდგება.

[თინათინ ზაზაძე, ახალციხე]