2,557,300 ლარი ბორჯომის მუნიციპალიტეტს ინფრასტრუქტურული პროექტებისთვის

იგეგმება შემდეგი შიდა მუნიციპალური მნიშვნელობის გზების რეაბილიტაცია: ბორჯომის მუნიციპალიტეტის დაბა ბაკურიანში, სოფ. ჩითახევსა და სოფ. ქვაბისხევში. მოასფალტდება და ბეტონის საფარით მოეწყობა სოფელ მზეთამზის გადასასვლელი ხიდიდან სოფლამდე მისასვლელი 2,0 კმ გზა, ასევე, ქალაქ ბორჯომში, ლიკანის დასახლებაში, გოგებაშვილის და რაზმაძის ქუჩებზე მოეწყობა ასფალტის საფარი.

გარდა ამ პროექტებისა, ქ. ბორჯომში დაგეგმილია 9 აპრილის ქუჩის რეაბილიტაციისა და ცენტრალურ ისტორიულ პარკში არსებული საცურაო აუზის კეთილმოწყობის სამუშაოების ჩატარება.

აღნიშნული პროექტები ადგილობრივმა ხელისუფლებამ წარუდგინა რეგიონული განვითარების კომისიას, რომელმაც მოწონების შემდეგ, პროექტები მთავრობას გადასცა. საბოლოოდ, საქართველოს მთავრობის მხრიდან ბორჯომის მუნიციპალიტეტში განსახორციელებელი ინფრასტრუქტურული სამუშაოებისთვის პირველ ეტაპზე 2 მილიონ 557 ათას 300 ლარი გამოიყო, რომლითაც 5 პროექტი განხორციელდება.

შესრულებულ სამუშაოებს მონიტორინგს საქართველოს რეგიონული განვითარებისა და ინფრასტრუქტურის სამინისტრო გაუწევს.

გასულ წელს იგივე ფონდმა ბორჯომში 17 პროექტი დააფინანსა. ამათგან, 4 პროექტი გარდამავალ პროექტებში გადავიდა და 2014 წელს დასრულდება.

[sknews.ge]