‘რეგიონული ფონდის’ დაფინანსებით ბორჯომში 7 პროექტი განხორციელდა

„რეგიონული ფონდის“ და ადგილობრივი ბიუჯეტის დაფინანსებით ინფრასტრუქტურული პროექტებისთვის ჯამში 2 733 455 ლარი დაიხარჯა.

7 პროექტიდან, 6 უკვე დასულებულია, რაც შეეხება დაბა წაღვერში და სოფელ დაბაში საავტომობილო გზების რეაბილიტაციას, ამ ეტაპზე სამუშაოების მხოლოდ 40%–ია შესრულებული. ადგილობრივ თვითმმართველობაში აცხადებენ, რომ შესაძლებელია სამუშაოები მომავალ წელს გაგრძელდეს.

1. ქ.ბორჯომში, რუსთაველის, კოსტავას და მესხეთის ქუჩებზე ფეხით სავალი ნაწილის, გადასასვლელი ხიდის და ასასვლელი კიბეების რეაბილიაცია;
2. ქ.ბორჯომში, ერეკლესა და 9 აპრლის ქუჩებზე, ასევე ჩიხებში ასფალტობეტონის საფარის მოსაწყობი სამუშაოები;
3. სოფელ კორტანეთში საავტომობილო გზის საფარის სარეაბილიტაციო სამუშაოები;
4. ბორჯომში, მერაბ კოსტავას სახელობის სკვერის რეაბილიტაცია;
5. დაბა ბაკურიანის კანალიზაციის ქსელის რეაბილიტაცია;
6. დაბა ბაკურიანის გზების რეაბილიტაცია (ფარნავაზისა და მთის ქუჩა);
7. დაბა წაღვერში და სოფელ დაბაში საავტომობილო გზების რეაბილიტაცია;

[თინათინ ზაზაძე, ბორჯომი]