ახალციხეში ცხელებიან პაციენტებს სასტუმროში გადაიყვანენ

სამცხე-ჯავახეთის მხარის ადმინისტრაციაში აცხადებენ, რომ უახლოეს დღეებში გადაწყდება, რომელი დაწესებულება გადაკეთდება “ცხელების სასტუმროდ”.

“სამხრეთის კარიბჭეს” ინფორმაციით, “ცხელების სასტუმრო” ახალციხეში, ასპინძის ქუჩაზე მდებარე სასტუმრო “ტიფლისში” განთავსდება.

აღნიშნულ ინფორმაციას გვიდასტურებს “ტიფლისის” მენეჯერიც: “ ტურიზმის ადმინისტრაციიდან დაგვირეკეს და შეგვატყობინეს, რომ ჩვენ მივიღებთ ცხელებიან პაციენტებს. ისინი ორი დღის განმავლობაში ჩვენთან დარჩებიან და დაელოდებიან კორონავიურსზე აღებული ტესტების პასუხებს”.

ასპინძის ქუჩაზე მდებარე სასტუმრო ჯამში 39 ცხელებიან პაციენტს მიიღებს: “გვაქვს 18 ორადგილიანი და სამი ერთადგილიანი ნომრები, თუ ოჯახის წევრები იქნებიან, ორს ერთ ნომერში შევუშვებთ. გადამზადდნენ თანამშრომლები და ველოდებით პაციენტებს”.

როდის მიიღებს პირველ პაციენტს “ცხელების სასტუმრო” ჯერ უცნობია: “ჩვენ გაზაფხულზე შევავსეთ განაცხადი ტურზმის ადმინისტრაციაში და მზადყოფნა გამოვთქვით, რომ შეგვეძლო ჩვენთან საკარანტინო სივრცე მოოგვეწყო. ტურიზმის ადმინისტრაციიდან შეგვამოწმეს და გვითხრეს, რომ მოთხოვნებს ვაკმაყოფილებდით. რამდენიმე დღის წინ დაგვიკავშირდნენ და გვითხრეს, რომ ცხელებიან პაციენტებს მოგვიყვანდნენ”.

24 ოქტომბრის მონაცემებით, სამცხე-ჯავახეთშიკორონავირუსის 221 შემთხვევაა გამოვლენილი.

პაციენტების მიმართვიანობის გამო, ახალციხეში მდებარე კლინიკები პაციენტების მიღებას ვეღარ აუდიან. covid-19-ით დაინფიცირების შემთხვევები დაფიქსირდა სამედიცინო პერსონალშიც. მედპერსონალის დაინფიცირების გამო, რამდენიმე დღით ახალციხის სასწრაფო სამედიცინო დახმარების ცენტრიც დაუხურა, რადგან ექიმების უმეტესობას ინფექცია დაუდასტურდა. ამ ეტაპზე სასწრაფოში ერთი ჯგუფი მუშაობს. საჭიროების შემთხვევაში პაციენტებს ადიგენის და ასპინძის სასწრაფოები ემსახურებიან.

[sknews.ge]