როგორ ნაწილდება სამცხე–ჯავახეთში გამოვლენილი 18 ახალი შემთხვევა

სამცხე–ჯავახეთის მხარის ადმინისტრაციაში აცხადებენ, რომ რეგიონში 18 ახალ შემთხვევასთან დაკავშირებით გამოვლენილია 150 კონტაქტში მყოფი პირი. ამ დროისთვის რეგიონის მასშტაბით 133 ტესტის პასუხს ელოდებიან.

რაც შეეხება გამოჯანმრთელებულებს, ბოლო 24 საათის განმავლობაში მათი მაჩვენებელი არ შეცვლილა.

ახალი შემთხვევები მუნიციპალიტეტების რომელ სოფლებში დაფიქსირდა ამის შესახებ მხარის ადმინისტრაციიდან დეტალური ინფორმაცია ვერ მივიღეთ.

სამცხე-ჯავახეთის სახელმწიფო რწმუნებულის აპარატის უფროსის, გიორგი მიქელაძის განმარტებით, რეგიონის მასშტაბით 10 საჯარო სკოლა დისტანციურ რეჟიმზეა გადასული, ხოლო ხუთმა საბავშო ბაღმა დროებით მუშაობა შეაჩერა.

უცნობია, ინფიცირებულებს შორის რამდენია მასწავლებელი და სამედიცინო დაწესებულების თანამშრომელი.

ამ ეტაპზე რეგიონში:

კოვიდინფიცირებულია - 221 პირი;

გამოჯანმრთელდა - 51;

თვითიზოლაციაშია - 729 პირი, აქედან:

ახალციხე - 488;

ახალქალაქი - 126;

ადიგენი - 84;

ასპინძა - 77;

ნინოწმინდა - 63;

ბორჯომი - 34;

საკარანტინო სივრცეებში - 415 პირია, მათგან:

ახალციხეში - 3;

ბაკურიანში - 412.


[ნუკა სტეფნაძე]