COVID 19: რა უნდა იცოდნენ მშობლებმა ბავშვების საბავშვო ბაღში მიყვანისას

12 ოქტომბერს, ორშაბათიდან, საბავშვო ბაღებში სწავლა აღდგება. ადგილზე მისულმა მშობლებმა და აღსაზრდელებმა კორონავირუსის პანდემიის გამო სხვადასხვა რეკომენდაციები უნდა გაითვალისწინონ.

„შენობაში შესვლის დროს ყველა ბავშვს ჩაუტარდება თერმოსკრინინგი . 37 გრადუსის ან უფრო მაღალია ტემპერატურის დაფიქსირების შემთხვევაში 15 წუთის შემდეგ ჩატარდება განმეორებითი შემოწმება, თუ ბავშვს დაუდასტურდა სიცხე არ დაიშვება სააღმზრდელო პროცესზე. ცხელების დროს პასუხისმგებელი პირები ვალდებულები არიან ერთი საათის განმავლობაში მიაკითხონ პატარას, წონააღმდეგ შემთხევაში ვადის ამოწურვისას ბაღი 112 ში რეკავს. გამომდინარე იქიდან რომ საბავშვო ბაღებზე მოთხოვნა გაზრდილია ჯგუფში ბავშვების რაოოდენობის შემცირება ვერ მოხდება, თუმცა მოხდა მაგიდების გადანაწიება ასევე გაკეთდა სპეციალური ცენტრები.“-ნათქვამია სპეციალურად მომზადებულ ვიდეორგოლში.

აღნიშნული საკითხები ბაღების ადმინისტრაციებმა მშობლებს უკვე გააცვნეს.

„ჯგუფებიდან ხალიჩები აღებული გვაქვს. რბილი სათამაშოები სულ ავიღეთ . მხოლოდ სეთებია რომლებიც ირეცხება.. ყოველ ორ სათში ერთხელ უნდა ჩაუტრდეს დეზინფექცია და ყვეანაირი დამუშაივება უნდა მოხდეს. წყლის ბოთლი სახლიდან ყოველდღე უნდა გამოატანოთ ზედ ბავშვის სახელით. ბავშვის ინდივიდუალური ყუთები უნდა ჰქონდეთ, რომ ყველას თავის მაკრატელი და პლასტირინი ჩავუდოთ. ზედ დააწერთ სახელსა და გვარს.თუ სადღაც მიდიხართ და გინდათ წაყვანა 10 წუთით ადრე ურეკავთ აღმზრდელს.“,-განმარტეს ახალციხის ბაღებში.

ბაღში აღსაზრდელების ჯგუფები სპეციალურად შედგენილი განრიგით მივლენ და დატოვებენ შენობას.

პანდემიის გამო საქართველოში საბავშვო ბაღებს შრომის ინსპექცია ამოწმებს. სამცხე-ჯავახეთში სულ 95 საბავშვო ბაღია, აქედან 9 ოქტომბრის მონაცემებით, ინსპექციამ 50 უკვე შეამოწმა და დადებითი შეფასებაც მიიღო. ჯანდაცვის სამინისტროში გვითხრეს, რომ შემოწმებები კვლავ გრძელდება - „შაბათ-კვირასაც შევამოწმებთ“.

[მარიამ ბარძიმაძე]