ახალქალაქის სოფლებში ბაღის აღსაზრდელებს ტრანსპორტი მოემსახურება

ახალქალაქის მუნიციპალიტეტში სულ რვა ბაღია, ამიტომ მშობლებს მეზობელი სოფლებიდან ბავშვების ბაღებში ტარება უჭირთ.

„მაგალითად ახალქალაქის მესამე ბაღში მშობლებს ბავშვები მაჭადიიდან დაქირავებული მარშუტკიც მოჰყავთ, თვეში ერთი მშობელი 50 ლარს დებს და ისე მგზავრობენ ბავშვები. ადრე კულიკამიდანაც ასე ჩამოჰყვადათ. ახლა ზოგიერთ მშობელს პატარები საკუთარი მანქანით მოჰყავს“, – გვითრეს ახალქალაქის მესამე საბავშვო ბაღში.

სატენდერო დოკუმენტების მიხედვით, „შემსყიდველმა ავტობუსებით, მარშუტკებითა და მინივენებით უნდა უზურნველყოს 10:00 საათზე ბავშვების ბაღში წაყვანა და 18:00 საათზე უკან დაბრუნება“.

ტრანსპორტით იხტილადან და მერენიიდან ბარალეთის ბაღში 56 ბავშვს წაიყვანენ, ბოზალოდან და ფილიპოვკადან კარწახის საბავშვო ბაღში ცხრა აღსაზრდელს მოემსახურებიან, ხორხიდან, კულიკამიდან, მაჭატიიდან, ბადრიდან, ხოსპიოდან, მურჯახეთიდან და ჩამდურადან 94 აღსაზრდელს ახალქალაქის პირველ, მეორე და მესამე საბავშვო ბაღებში მიიყვანენ.

„აქამდე მსგავსი რამ არ მომხდარა. ხალხის მოთხოვნა იყო, რომ ტრანპოსრტი დაგვენიშნა და ტენდერი იმიტომ გამოვაცხადეთ“, – ამბობს ახალქალაქის მუნიციპალიტეტის მერი იური უნანიანი.

[მარიამ ბარძიმაძე, ახალქალაქი]