შრომის ინსპექცია საბავშვო ბაღების და სკოლების შემოწმებას იწყებს

ბაღებში სწავლის დაწყებასთან დაკავშირებული რეკომენდაციები ხვალ, 27 აგვისტოს გახდება ცნობილი.

"ბაღების ფუნქციონირება აღდგება პირველი ოქტომბრიდან. ჩვენ ბიზნესომბუდსმენთან ერთად დღეს გვაქვს დასკვნითი შეხვედრა, როგორც კერძო სექტორის წარმომადგენლებთან, ასევე დაინტერესებულ პირებთან და შევჯერდებით საბოლოო პროტოკოლზე. დღეს სრულად მოვახდენთ შეჯერებას და ხვალ იქნება უკვე საბოლოო რეკომენდაციები", – ამბობს ბექა ფერაძე.

მისი თქმით, სკოლები ადგილობრივმა რესურსცენტრებმა უკვე შეამოწმეს: "სკოლების ნაწილში შემოწმება განხორციელდა საგანმანათლებლო რესურსცენტრების მხრიდან, რომლებმაც მოამზადეს შემოწმების შემდეგ დადებითი შეფასება. ახლა უკვე შრომის ინსპექცია იწყებს სრულად შემოწმებას, როგორც ბაღების, ასევე სკოლების და ჯანდაცვის სამინისტროს მიერ დადებითი დასკვნის საფუძველზე მოხდება მათი ფუნქციონირების განახლება," - განაცხადა ბექა ფერაძემ.

დღეს, 26 აგვისტოს გახდა ცნობილი, რომ სკოლებში სწავლა 15 სექტემბრიდან, ხოლო ბაღებში პირველი ოქტომბრიდან განახლდება.

[sknews.ge]