ქალაქის ბაღებში ადგილები თითქმის შევსებულია - ახალციხის ბაღების გაერთიანება

ქალაქ ახალციხეში მდებარე რვა საბავშვო ბაღში, პირველი ოქტომბერს 1154 აღსაზრდელი მივა. როგორც მერაბიშვილი ამბობს, ადგილების უმეტესობა უკვე შევსებულია.

„ქალაქის ბაღებში შევსებულია თითქმის, თამარაშვილის ქუჩაზე მდებარე მეორე ბაგა ბაღში გვაქვს მხოლოდ ადგილები “,-ამბობს ბაღების გაერთიანების ხელმძღვანელი.

მისივე თქმით, ამ ეტაპზე პანდემიასთან დაკავშირებით მუნიციპალიტეტის ბაღები არ შეუმოწმებიათ.

„დარეგისტრირებული ვართ და ველოდებით შემოწმებას. სხვადასხვა რეკომენდაციების შესრულებასთან დაკავშირებით მიმდინარეობს საკითხების მოგვარება. შრომის ინსპექცია როცა შეგვამოწმებს შემდეგ მოგვცემს შენიშვნებს რა არის გამოსასწორებელი. როგორ უნდა დავიწყოთ სწავლა – ამაზე ტრენინგებს გაივლის ჩვენი პერსონალი“,-ამბობს მერაბიშვილი.

პირველადი რეკომენდაციების თანახმად, მშობლებს შენობაში შესვლა ეკრძალებათ, ბავშვის მიღება და შემდგომ პროცედურების განხორციელებაზე პასუხისმგებელი კი ადმინისტრაციის თანამშრომელი იქნება.

[მარიამ ბარძიმაძე]