რომელ კომპანიებს ფლობენ ენმ-ს კანდიდატები სამცხე-ჯავახეთიდან - კვლევა

„გამჭვირვალობის“ კვლევის მიხედვით, ახალციხე-ასპინძა-ადიგენი-ბორჯომის მაჟორიტარობის კანდიდატი „ერთიანი ნაციონალური მოძრაობიდან“, ვაჟა ჩიტაშვილი არის:

შპს „ნარდის“ დირექტორი. მისი მეუღლე მარინა ზაქროშვილი კი ფლობს აღნიშნული კომპანიის 24%-ს და შპს „სტომატოლოგის“ 7%-ს.
ვაჟა ჩიტაშვილმა 2016 წელს „ერთიან ნაციონალურ მოძრაობას“ 5,000 ლარი შესწირა, 2018-ში „ევროპულ საქართველოს - მოძრაობა თავისუფლებისთვის“ – 2,000 ლარი.

რაც შეეხება ახალქალაქის-ნინოწმინდის მაჟორიტარობის კანდიდატს, მელიქ რაისიანს, იგი არის შპს „ალექს იმპორტ კომპანიის“ 100%-იანი მფლობელი და დირექტორი. მისი შვილი კარლოს რაისიანი კი ინდ. მეწარმეა.

„საერტაოშიროს გამჭვირვალობა-საქართველოს“ კვლევა დღეს, 3 ოქტომბერს გამოქვეყნდა.

იგი 25 დეპუტატისა და მათი ოჯახისწევრების ბიზნეს საქმინობასა და შემოწირულობებს მოიცავს. „წარდგენილი 25 მაჟორიტარი დეპუტატობის კანდიდატიდან 6 მოქმედი ან ყოფილი თანამდებობის პირია, რომლებსაც 2019-2020 წლებში მოუწიათ ქონებრივი დეკლარაციის შევსება: ბადრი ბასიშვილი, კახაბერ ოქრიაშვილი, ნატო ჩხეიძე, აზერ სულეიმანოვი, ნიკანორ მელია და მიშა ბოლქვაძე. დარღვევები გამოვლინდა მხოლოდ ერთ დეკლარაციაში“, - ნათქვამია კვლევაში.

[sknews.ge]