სამცხე–ჯავახეთის მაჟორიტარი დეპუტატობის კანდიდატების სამეწარმეო საქმიანობა და პოლიტიკური შემოწირულობები

არასამთავრობო ორგანიზაციამ იმ ოპოზიციური პარტიების კანდიდატების საქმიანობა გამოიკვლია, რომლებმაც საზოგადოებრივი აზრის უახლეს გამოკითხვებში 1%-ზე მეტი რეიტინგი აჩვენეს.

ეს პარტიებია:

• „ევროპული საქართველო - მოძრაობა თავისუფლებისთვის“
• „სტრატეგია აღმაშენებელი“
• „საქართველოს პატრიოტთა ალიანსი“
• „საქართველოს ლეიბორისტული პარტია“
• „ალეკო ელისაშვილი - მოქალაქეები“
• „ლელო საქართველოსთვის“
• „ახალი პოლიტიკური ცენტრი - გირჩი“


TI-ს კვლევის მიხედვით, ახალქალაქისა და ნინოწმინდის მაჟორიტარობის კანდიდატი არსენ კარაპეტიანი არ არის ჩართული სამეწარმეო საქმიანობაში. მან პარტიას „ევროპული საქართველო - მოძრაობა თავისუფლებისთვის“ 9,185 ლარი შესწირა.

იგი 2008-2012 წლებში იყო სამცხე-ჯავახეთის სამხარეო მთავარი სამმართველოს ნინოწმინდის რაიონული სამმართველოს უფროსი

ახალციხის, ბორჯომის, ადიგენისა და ასპინძის მაჟორიტარობის კანდიდატი, ზურაბ ჩილინგარაშვილი ფლობს შპს „ელმასას“ 67%-ს. მან 2013-2015 წლებში „ერთიან ნაციონალურ მოძრაობას“ 9,000 ლარი შესწირა. მისმა მეუღლემ, მეგი კაჭკაჭიშვილმა 2017 წელს 2,000 ლარი შესწირა პარტიას „ევროპული საქართველო - მოძრაობა თავისუფლებისთვის“.

ზურაბ ჩილინგარაშვილი 2012-2016 წლებში იყო საქართველოს პარლამენტის წევრი.

ახალციხის, ბორჯომის, ადიგენისა და ასპინძის მაჟორიტარობის კანდიდატი, გიორგი ჩიტაური არ არის ჩართული სამეწარმეო საქმიანობაში. 2020 წელს მან „საქართველოს ლეიბორისტულ პარტიას“ 5,000 ლარი შესწირა.

ასევე ნახეთ:



[sknews.ge]