ახალციხის ბაღებში საზაფხულო არდადეგები აღარ იქნება

ახალციხის მუნიციპალიტეტის სკოლამდელი აღზრდის დაწესებულებათა გაერთიანების ხელმძღვანელი ნატო ჩოხელი ამბობს, რომ მასწავლებლებს შვებულებები ივლისსა და აგვისტოში გადაუნაწილდებათ: „ამიტომ უწყვეტად ვიმუშავებთ. მანამდე სოფლის ბაღებში არდადეგები ისეც არ იყო, მხოლოდ ქალაქში ისვენებდნენ აგვისტოში, ახლა არც ერთ ბაღში აღარ გვექნება წყვეტა“.

ახალციხის მუნიციპალიტეტში მოქმედ 25 ბაღში 2 013 აღსაზრდელი სწავლობს. ასევე, ახალი სასწავლო წლისთვის ბავშვების რეგისტრაცია მიმდინარეობს.

„სოფლებში ეს პროცესი უწყვეტია, ქალაქში კი მიღება ყოველი თვის დასაწყისში შეგვიძლია“, – ამბობს ნატო ჩოხელი.

რამდენი აღასაზრდელი დარეგისტრირდა და რამდენის მიღება შეუძლიათ ქალაქ ახალციხის ბაღებში:

ახალციხის N1 საბავშვო ბაღში ამ ეტაპზე 139 ბავშვია დარეგისტრირებული, თუმცა მხოლოდ 50 აღსაზრდელს აიყვანს.

ახალციხის N1 ბაგაში 37 განცხადება შევიდა და 37–ვეს მიიღებენ.

ახალციხის N6 ბაღში ამ ეტაპზე 15 განცხადებაა შესული, თუმცა 42 აღსაზრდელის მიღება შეუძლიათ.
ახალციხის N1 ბაგა–ბაღში 80 ადგილია.

ახალციხის N2 ბაგა–ბაღში 30 განაცხადია შესული და 60 აღსაზრდელის მიღება შეუძლიათ.
ახალციხის N3 ბაგა–ბაღში 50 ადგილია.

ახალციხის N4 ბაგა–ბაღში ამ ეტაპზე 15 განაცხადია შესული და 5 თავისუფალი ადგილია.

რაც შეეხება ახალციხი N5 ბაღს ადგილების რაოდენობის შესახებ ინფორმაციის მიღება ვერ შევძელით.

[მარიამ ბარძიმაძე, ახალციხე]