ახალციხის ბაღებში 2000–მდე აღსაზრდელიდან 200 გამოცხადდა

12–დღიანი შესვენების შემდეგ საბავშვო ბაღებში სწავლა დაწიყო. თუმცა, ახალციხის მუნიციპალიტეტის მასშტაბით 2 000 –მდე აღსაზრდელიდან ბაღებში მხოლოდ 200 ბავშვი მივიდა.

მშობლები აცხადებენ, რომ გრიპის ვირუსის ეშინიათ და ამიტომ ჯერ ბავშვის ბაღში მიყვანა არ უნდათ: „თვის ბოლომდე არ ვაპირებ, რომ ჩემი შვილი ბაღში გავუშვა, ძალიან მეშინია ამ ვირუსების, მარტივად შეიძლება ერთმანეთისაგან გადედოთ. როგორც კი ცოტა ჩაწყნარდება სიტუაცია ბაღში მაშინ მივიყვან“.

ახალციხის ბაღების გაერთიანების ხელმძღვანელი მარინა მერაბიშვილი ამბობს, რომ ყველა საბავშვო ბაღში ოთახები და ნივთები სადეზინფექციო ხსნარებით მუშავდება: „ჩვენთან ვირუსი არაა, ეს უბრალოდ პანიკაა. ვიცი რომ ხვალ უფრო მეტი აღსაზრდელი მოვა ბაღში“.

[მარიამ ბარძიმაძე, ახალციხე]