ახალციხის ბაღებში აღსაზრდელთა რეგისტრაცია მიმდინარეობს – რა დოკუმენტებია საჭირო

ქალაქ ახალციხეში მდებარე ბაღებში 400, ხოლო სოფლებში 150 თავისუფალი ადგილია. აღსაზრდელების მისაღებად რეგისტრაცია პირველი ივნისიდან დაიწყო და 12 ივნისს დასრულდება.

როგორც ახალციხის მუნიციპალიტეტის სკოლამდელი აღზრდის დაწესებულების ხელმძღვანელმა, მარინა მერაბიშვილმა განაცხადა, ქალაქში მდებარე ბაღებში უფროსი ჯგუფები თითქმის შევსებულია.

პირველ ეტაპზე მშობელმა სასურველ ბაღში განცხადება უნდა დაწეროს.

სასწავლო პროცესის დაწყებამდე საჭიროა შემდეგი დოკუმენტების მიტანა:

▶ცნობა საცხოვრებელი ადგილის შესახებ;

▶ ჯანმრთელობის დამადასტურებელი დოკუმენტი (ფორმა–100, რომელშიც ასევე იქნება ინფორმაცია ჩატარებული აცრების შესახებ);

▶ ბავშვის დაბადების და მშობლების პირადობის მოწმობების ასლები;

▶ ბავშვის ფოტო-სურათი.

როდის განახლდება ბაღებში სასწავლო პროცესი უცნობია, ახალციხის მუნიციპალიტეტის სკოლამდელი აღზრდის დაწესებულებაში აცხადებენ, რომ ამ საკითხზე განათლების სამინისტროდან რეკომენდაციებს ელოდებიან.

[მარიამ ბარძიმაძე, ახალციხე]