სად შეგიძლიათ ახალციხეში COVID-19–ზე ტესტის გაკეთება

ახალციხის საზოგადოებრივი ჯანდაცვის ცენტრის განცხადებით, უფასო ტესტის გასაკეთებლად ადგილობრივებმა საზოგადოებრივი ჯანდაცვის ცენტრსა (ქალაქი ახალციხე კეცხოველის ქუჩა N6 (მეოთხე სართული) და კლინიკა „იმედს“ უნდა მიმართონ.

ეპიდემიოლოგის, ქეთინო ჯინჭველაძის განმარტებით, ადგილობრივებს ტესტის გაკეთება იმ შემთხვევაშიც შეუძლიათ თუ მათ ცხელება, ან სხვა სახის რესპირატორული სიმპტომები არ აღენიშნებათ.

ბათუმში საკონდიტრო „დონას“ თანამშრომელს კორონავირუსი 1 სექტემბერს დაუდასტურდა. 2 სექტემბერს დაბა ჩაქვში მდებარე სასტუმრო “ოაზისში” კორონავირუსი ერთ–ერთ სტუმარს დაუდგინდა.

დღეს, კორონავირუსით დაინფიცირების 34 ახალი შემთხვევა დაფიქსირდა, ქვეყანაში COVID-19-ის სულ 1 684 შემთხვევაა გამოვლენილი, აქედან გამოჯანმრთელდა 1 315 და გარდაიცვალა 19.

[მარიამ ბარძიმაძე]