COVID-19: მსოფლიოში გარდაცვლილთა რაოდენობამ 300 ათასს გადააჭარბა

კორონავირუსის ყველაზე მეტი ახალი შემთხვევა ამერიკაში დაფიქსირდა, აქ გასულ 24 საათში 27 246 ადამიანი დაინფიცირდა.

200 ათასს გადააჭარბა შემთხვევების რიცხვმა ბრაზილიაში, საიდანაც 13 761 ახალია. ქვეყანაში 79 479–მა ადამიანმა ვირუსი უკვე დაამარცხა, 13 993 კი გარდაიცვალა.

ბრაზილიის შემდეგ ყველაზე მეტი ახალი შემთხვევა – 9 974 რუსეთშია, ჯამში რუსეთში 252 245 დადასტურებული კოვიდ შემთხვევაა, საიდანაც 53 530 გამოჯანმრთელდა, 2 305 კი გარდაიცვალა.

საქართველოში ვირუსის პირველი შემთხვევა 26 თებერვალს დაფიქსირდა. ამ დრისთვის ქვეყანაში ვირუსის 671 დადასტურებული შემთხვევაა გამოვლენილი, აქედან 393 გამოჯანმრთელდა, 12 კი გარდაიცვალა.

ჯანდაცვის მსოფლიო ორგანიზაციამ კორონავირუსი პანდემიად 11 მარტს გამოაცხადა.

[რობი ზარიძე]