ფილარმონიასთან აფეთქებისას ბორჯომელი ახალგაზრდა გარდაიცვალა

ფოტო – ნეტგაზეთი

აფეთქება თბილისში გუშინ, 4 სექტემბერს მოხდა.

პირველადი ინფორმაციით, კლუბ „დეჟავუში" სარემონტო სამუშაოების დროს, სავარაუდოდ, ჟანგბადის ბალონი აფეთქდა.

„აფეთქების შედეგად, დაშავდა 3 ადამიანი, ერთი მამაკაცი კი მიღებული დაზიანებების შედეგად გარდაიცვალა. დაშავებულები სასწრაფო სამედიცინო დახმარების ბრიგადებმა საავადმყოფოში გადაიყვანა.“, – აცხადებენ შსს–ში.

გარდაცვლილი მეუღლესთან და 8 თვის შვილთან ერთად თბილისში ცხოვრობდა. „თბილისში ხელოსნად მუშაობდა. გამოძახებით მიდიოდნენ და ყველაფრის გაკეთება შეეძლოთ, კონდინციონერის დამონტაჟება, ონკანის შეკეთება, რაიმე ტექნიკის გამართვა. ალბათ, ახლაც ამას აკეთებდა“, – ამბობენ ახლობლები.

სამი დაშავებულების მდგომარეობა სტაბილურია. მათგან ერთი კლინიკიდან უკვე გაწერეს.

მომხდარ ფაქტზე გამოძიება საქართველოს სსკ-ს 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც სიცოცხლის მოსპობა გამოიწვია“, - ნათქვამია შსს-ს განცხადებაში.

[sknews.ge]