ავარიის შედეგად დაშავებული რვა ადამიანიდან ერთი გარდაიცვალა

კლინიკა „იმედის“ ინფორმაციით, 33 წლის მამაკაცი თბილისში გადაყვანის დროს გარდაიცვალა.

„მუცლის ღრუს ორგანოების მრავლობით დაზიანება, დამბლა და წელის მალების მოტეხილობა ჰქონა. ანუ სიცოცხლესთან შეუთავსებელი ტრამვა ჰქონდა მიღებული“, – ამბობენ კლინიკა „იმედში“.

მათივე განმარტებით, კლინიკაში 6–საათიანი ოპერაცია ჩაუტარეს და მძიმე დაზიანებების თბილისში გადაჰყავდათ, თუმცა კლინაში მიყვანამდე გარდაიცვალა.

რაც შეეხება დანარჩენ 7 მოქალაქეს, ერთი მკურნალობას თბილისში გადის, ერთი „უნიმედი სამცხე – ახალციხის ჰოსპიტალში“. დანარჩენი 5 მოქალაქე კი კლინიკებიდან გაწერეს.

შეგახსენებთ, რომ 28 აგვისტოს, ახალციხეში ერთმანეთს სამი ავტომანქანა შეეჯახა, რის შედეგად რვა ადამიანი დაშავდა. დაშვდნენ სატვირთოს მძღოლი და ტურისტები.

შსს - ს ინფორმაციით მომხდარზე ძიება სისხლის სამართლის კოდექსის 276 - ე მუხლის პირველი ნაწილით მიმდინარეობს.

[ვარლამ წიკლაური, ახალციხე]