ბორჯომში ავტოსაგზაო შემთხვევის შედეგად 23 წლის ახალგაზრდა გარდაიცვალა

ავარია ვაშლოვანის დასახლებაში დაახლოებით 14:00 საათზე მოხდა. ავტომობილი ბორჯომიდან ხაშურის მიმართულებით მოძრაობდა. მძღოლმა საჭე ვერ დაიმორჩილა, გზის სავალი ნაწილიდან გადავიდა და ბეტონის ღობეს შეეჯახა.

სასწრაფო სამედიცინო დახმარების ჯგუფმა დაშავებულები ბორჯომის სამედიცინო დაწესებულებაში გადაიყვანა.

„ორი ბიჭი და ერთი გოგოა შემოყვანილი, ამ ეტაპზე გამოკვლევები უტარდებათ, შემდეგ გადაწყდება ჩვენთან გააგრძელებენ მკურნალობას თუ თბილისში გავწერთ“, – აცხადებენ ბორჯომის სამედიცინო დაწესებულებაში.

მომხდარს შინაგან საქმეთა სამინისტრო სისხლის სამართლის კოდექსის 276–ე მუხლის მეხუთე ნაწილით იძიებს, რაც ავტოსაგზაო მოძრაობის წესების დარღვევას გულისხმობს, რამაც ადამინის სიცოცხლის მოსპობა გამოიწვია.

[თინათინ ზაზაძე, ბორჯომი]