სოფელ აგარაში ახალი საბავშვო ბაღი აშენდება

სატენდერო დოკუმენტების მიხედვით, ორსართულიანი შენობის ფართობი 980 კვ.მ იქნება, ხოლო საერთო ფართი 1 976 კვ.მ.

ეზოში გათვალისწინებულია გასართობი ატრაქციონების, სათამაშო ქვიშის მოედნების, საქანელების, ეზოს სკამების, სასრიალოების, საჩრდილობელი ფანჩატურების, ნაგვის ურნებისა და სასმელი წყლის შადრევნების (ე.წ სოკოს) მოწყობა.

ახალი საბავშვო ბაღისთვის გათვალისწინებულია საძინებელი და სათამაშო ოთახების, გასახდელების,ბუფეტის, საკუჭნაო ოთახის, დარბაზის,
პროდუქტების შესანახი ოთახის, ექიმის, ადმინისტრაციის, ჭურჭლის სარეცხი ოთახის, სამზარეულოს, ლიფტის, საევაკუაციო კიბის და ასევე საქვაბე ოთახის მოწყობა.

პროექტი ასევე ითვალისწინებს შენობის თბოიზოლაციას, გამოყენებული იქნება დაბალ ემისიური მინა პაკეტი, რაც შემდგომში უზრუნველყოფს ენერგეტიკული რესურსების მოხმარების შემცირებას და ბიუჯეტის დაზოგვას.

[sknews.ge]