სოფელ წნისში ბაღი ჯერ არ, მაგრამ ბაღისთვის სათამაშოები უკვე აქვთ

გარდა სათამაშოებისა, საერთაშორისო ორგანიზაცია „world vision“-ი წნისის სკოლამდელი აღზრდის დაწესებულებას ინვენტარითაც აღჭურავს და მათ საბავშვო ლიტერატურას შეუძენს.

ამ ეტაპზე ახალციხის მუნიციპალიტეტის გამგეობა შენობის რეაბილიტაციას ახორციელებს. ხდება შენობის კაპიტალური შეკეთება და ოთახების კეთილმოწყობა, იცვლება კარ-ფანჯარა. სამუშაოები ადგილობრივი ბიუჯეტიდან და სოფლის მხარდაჭერის პროგრამის ფარგლებში გამოყოფილი თანხით ფინანსდება.

შენობის რეაბილიტაცია ახლო მომავალში დასრულდება. წნისის საბავშვო ბაღი 40 აღსაზრდელზე იქნება გათვლილი და ორი ჯგუფი იფუნქციონირებს. საბავშვო ბაღში 12-მდე ადგილობრივი დასაქმდება.

[sknews.ge]