ვინ უნდა შეაკეთოს რუსთაველის ქუჩაზე ამოჭრილი ასფალტი

როგორც „სამხრეთის კარიბჭემ“ გაარკვია, რუსთაველის ქუჩაზე ასფალტის საფარი ერთ–ერთი მცხოვრებისთვის საკანალიზაციო ქსელის მოწყობის მიზნით ამოჭრეს.

„მოგვმართა მოქალაქემ, თავისი სახსრებით უნდოდა წყალარინების ქსელის თავისთან დაერთება . ჩვენ ნებართვა მივეცით და აღნიშნული სამუშაოები ზედამხედველობის ქვეშ გაკეთდა“,– ამბობს საქართველოს გაერთიანებული წყალმომარაგების კომპანიის სამცხე–ჯავახეთის ფილიალის მენეჯერი ბორის სპანდერაშვილი.

რაც შეეხება ამოთხრილი ასფალტის შეკეთებას, სპანდერაშვილის განმარტებით, ასფალტის საფარის აღდგენა კომპანიის ვალდებულებაა: „კონტრაქტორს დაველაპარაკები და ამ კვირაში გადავფარავთ ასფალტის საფარით ამოთხრილს“.






[მარიამ ბარძიმაძე, ახალციხე]