‘არ ვიქნები პარლამენტის წევრი’ – ვანო მერაბიშვილი დეპუტატად კენჭს არ იყრის

საკუთარი გადაწყვეტილების შესახებ ვანო მერაბიშვილის ოფიციალურ ფეისბუქის გვერდზე განცხადება დღეს, 3 აგვისტოს გავრცელდა:
„მე გადავწყვიტე გაცნობოთ, რომ არ ვიქნები პარლამენტის წევრი და ასევე, არ დავიკავებ რომელიმე თანამდებობას მომავალ მთავრობაში. მე ვიქნები ჩართული ივანიშვილის რეჟიმის წინააღმდეგ ბრძოლაში, ოღონდ ეს იქნება ბრძოლა არა პირადი სარგებლისთვის, არამედ ბრძოლა ჩემი ხალხის მომავლისთვის“, – წერია განცხადებაში.



ის, რომ ვანო მერაბიშვილი მაჟორიტარ დეპუტატობაზე უარს ამბობს, „სამხრეთის კარიბჭეს“ მერაბიშვილის სოციალური მედიის მენეჯერმა, ივერი ბალახაშვილმა დაუდასტურა: „როგორც მანდ უწერია, არ იქნება მომდევნო პარლამენტის წევრი. პარლამენტში არ ყოფნა თავის თავში მოიაზრებს, არც მაჟორიტარობას და არც პროპორციულ სიაში ყოფნას“.

2020 წლის არჩევნებზე ვანო მერაბიშვილი ახალციხე–ადიგენი–ასპინძა–ბორჯომის ოლქში „ნაციონალური მოძრაობის“ მაჟორიტარი დეპუტატობის კანდიდატი უნდა ყოფილიყო. იგი პარტიას ოფიციალურად არ წარუდგენია, თუმცა მისი კანდიდატურის შესახებ, პარტიის წევრებმა „სამხრეთის კარიბჭესთან“ არაერთხელ განაცხადეს.

[თაკო ფეიქრიშვილი]