ნინოწმინდაში ავარიის შედეგად 2 პირი დაშავდა

მსუბუქ მანქანაში მძღოლთან ერთად, ორი მგზავრი იმყოფებოდა. მათი თქმით, ავტოსაგზაო შემთხვევა მაშინ მოხდა, როცა „ოპელის“ მძღოლი სხვა მანქანის გასწრებას ცდილობდა.

დაშავებული ორი პირი ნინოწმინდის სამედიცინო დაწესებულებაში გადაიყვანეს. კლინიკაში „სამხრეთის კარიბჭეს“ განუცხადეს, რომ დაშავებულებს მსუბუქი დაზიანებები აქვთ.

რადიო „ნორის“ ინფორმაციით, ავარია 11:30 საათზე მოხდა.

შსს–ს ინფორმაციით, გამოძიება 276-ე მუხლის მეორე ნაწილით დაიწყო, რაც ტრანსპორტის მოძრაობის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

[რიმა სარუხანიან]