ავარია ახალციხეში - დაშავებულია მოპედის მძღოლი

ავტოსაგზაო შემთხვევა დღეს, 14 ნოემბერს საღამოს მოხდა.

თვითმხილველების ინფორმაციით, მოპედის მძღოლს ფეხი მოტყდა, დაშავებული სასწრაფო სამედიცინო დახმარების ჯგუფმა, ახალციხის რეფერალურ ჰოსპიტალში გადაიყვანა.

„ოპერაციას უკეთებენ, ამ ეტაპზე სხვას ვერაფერს გეტყვით“, – აცხადებენ კლინიკაში.

შსს-ს ინფორმაციით, გამოძიება დაწყებულია სსკ 276 მუხლის მეორე ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

[რობი ზარიძე, ახალციხე]