არასასურსათო პროდუქციაში მავნე ნივთიერებები აღმოჩნდა - კვლევის შედეგები

სტრატეგიული კვლევებისა და განვითარების ცენტრმა ჩატარებული კვლევის შედეგები, ახალციხელებს 21 ივლისს გააცნო. შეხვედრა დემოკრატიული ჩართულობის ცენტრში გაიმართა. კვლევა 2016-2020 წლებში, საზღვარგარეთაა ჩატარებული.

მათ მიერ გამოკვლეულ სათამაშოების, პარფიუმერიის, პირადი ჰიგიენის საშუალებების თუ ტანისამოსის ნიმუშებში აღმოჩნდა შემდეგი ნივთიერებები: ტყვია, ფორმალდეჰიდი, პარაბენები და პტალატები. ისინი ადამიანის ჯანმრთელობას საფრთხეს უქმნიან და სხვადასხვა დაავადებებს იწევენ.

„პარფიუმერიის 40 ნიმუშიდან ყველა მათგანში აღმოჩნდა ფორმალდეჰიდი, ოღონდ მცირე რაოდენობით. ასევე აღმოჩნდა პარაბენები, ტყვია და დარიშხანი. ბოლოს ბიჟუტერია შევამოწმეთ და მძიმე შედეგები მივიღეთ. 29–დან 12 ნიმუშში აღმოჩნდა ტყვია და კადნიუმი ან ორივე ერთად, ნორმებს აჭარბებდა რამდენიმე ათეულჯერ და ასეულჯერ“, - განმარტა კობალაძემ.

სტრატეგიული კვლევებისა და განვითარების ცენტრის პროგრამის კოორდინატორმა, ვახტანგ კობალაძემ განაცხადა, რომ ქვეყანაში პროდუქციის უსაფრთხოების კონტროლის საკითხი არც ისე მაღალ დონეზე დგას და არ არსებობს მოთხოვნები თუ რას უნდა აკმაყოფილებდეს ესა თუ ის პროდუქცია.

მისი თქმით, მომავალი წლიდან შესაძლოა გარკვეულ პროდუქტებზე სახელმწიფო კონტროლიც დაიწყოს.



[მარიამ ბარძიმაძე, ახალციხე]