momxmarebeli.ge – 15 სარეცხ საშუალებაში ფორმალდეჰიდი აღმოჩნდა, ორში ტყვია

ორგანიზაციამ momxmarebeli.ge საყოფაცხოვრებო ჰიგიენის საშუალებები შესამოწმებლად გერმანიაში, „ევროფინსში“ ლაბორატორიაში გააგზავნა.

"ფორმალდეჰიდის, როგორც კონსერვანტის გამოყენება ევროკავშირში აკრძალულია. გამონაკლისს წარმოადგენს პროდუქციაში ამ ნივთიერების ნაშთების არსებობა, როცა ამის თავიდან აცილება ტექნიკურად შეუძლებელია და ეს შემცველობა ჯანმრთელობისათვის საზიანო არ არის. ეს კი ქვეყანაში მოქმედმა სახელმწიფო მაკონტროლებელმა ორგანომ უნდა გადაწყვიტოს.

"ვინაიდან საქართველოში საყოფაცხოვრებო ჰიგიენის საშუალებების (ისევე როგორც სამომხმარებლო პროდუქციის აბსოლუტური უმრავლესობის) უსაფრთხოების მაკონტროლებელი სახელმწიფო უწყება არ არსებობს, შეუძლებელია იმის განსაზღვრა, თუ ტექნიკურად რამდენად გარდაუვალი იყო და უვნებელია ფორმალდეჰიდის შემცველობა ჩვენს მიერ შემოწმებულ ნიმუშებში", – აცხადებენ „საქართველოს სტრატეგიული კვლევებისა და განვითარების ცენტრში“.

ფორმალდეჰიდმა შეიძლება გამოიწვიოს სიმსივნე, ასთმა, სუნთქვის გართულება, კანისა და თვალების გაღიზიანება.

40 დასახელების პროდუქციდან ფორმალდეჰიდი 18 ნიმუშში აღმოაჩინეს, ესენია:

“ტაიდი“ - სარეცხი ფხვნილი, მწარმოებელი ქვეყანა თურქეთი;
„სავექსი" – სარეცხი ფხვნილი, მწარმოებელი ქვეყანა ბულგარეთი;
„ბოსი“ – მათეთრებელი, მწარმოებელი ქვეყანა რუსეთი;
"ეურეკა" – მათეთრებელი, მწარმოებელი ქვეყანა საბერძნეთი;
"სემანა" – ქსოვილის დამარბილებელი, მწარმოებელი ქვეყანა ბულგარეთი;
"ლენორი" – თეთრეულის დამარბილებელი, მწარმოებელი ქვეყანა რუსეთი;
"ვერნელი" – თეთრეულის კონდიციონერი, მწარმოებელი ქვეყანა რუსეთი;
"ვანიში" – ხალიჩების საწმენდი, მწარმოებელი ქვეყანა რუსეთი;
"ჩისტინი" – იატაკის საწმენდი, მწარმოებელი ქვეყანა რუსეთი;
"ეკო პლანეტი" – შუშის საწმენდი საშუალება, მწარმოებელი ქვეყანა საფრანგეთი;
"ბიოლანი" – ჭურჭლის სარეცხი საშუალება, მწარმოებელი ქვეყანა რუსეთი;
"აოსი" – ჭურჭლის სარეცხი საშუალება, მწარმოებელი ქვეყანა რუსეთი;
"ფეირი" – ჭურჭლის სარეცხი საშუალება, მწარმოებელი ქვეყანა თურქეთი;
"ბიომიო" – ჭურჭლის სარეცხი საშუალება, მწარმოებელი ქვეყანა რუსეთი;
"ბიომიო" – სამზარეულოს საწმენდი საშუალება, მწარმოებელი ქვეყანა რუსეთი;

[sknews.ge]