სომხეთისა და აზერბაიჯანის საზღვარზე შეტაკებები განახლდა

სომხეთის თავდაცვის სამინისტროს პრესმდივნის, შუშან სტეპანიანის განცხადებით, აზერბაიჯანმა სომხეთის ტერიტორიაზე დივერსანტთა ჯგუფის გადასხმა კიდევ ერთხელ სცადა. აზერბაიჯანის თავდაცვის სამინისტრო კი აცხადებს, რომ სროლა სომხეთის მხრიდან განხორციელდა.

შეტაკებები სომხეთ-აზერბაიჯანის საზღვარზე 12 ივლისს დაიწყო, ბოლო მონაცემებით, 4 სომეხი და 11 აზერბაიჯანელი სამხედრო ემსხვერპლა.

მხარეები ცეცხლის გახსნაში ერთმანეთს ადანაშაულებენ.

აზერბაიჯანისა და სომხეთის შეიარაღებული კონფლიქტის ადგილი საქართველოს საზღვრიდან 55 კილომეტრშია.

[sknews.ge]