აზერბაიჯანის და სომხეთის სამაშველო ჯგუფებმა ბორჯომი დატოვეს

აზერბაიჯანისა და სომხეთის სამაშველო ჯგუფებთან ერთად, ბორჯომის ხეობას დღეს სავარაუდოდ დატოვებენ მაშველები ბელარუსიდან და თურქეთიდანაც.

სტიქიის ზონას ასევე, ეტაპობვრივად დატოვებს ჯარიც.

რაც შეეხება სოფელ დაბასთან არსებულ საგანგებო შტაბს, ის კვლავ განაგრძობს 24 საათიან მუშაობას და ადგილზე რჩებიან ქართველი მეხანძრე - მაშველები.

ბორჯომის ხეობაში, ამ დროისათვის ისევ ნიადაგის პრევენციული სამუშაოები მიმდინარეობს. საგანგებო სიტუაციების მართვის სამსახურის ინფორმაციით, ცეცხლის ახალი კერები არ გაჩენილა და ისევ ძველი კერების ლიკვიდირება მიმდინარეობს.

[sknews.ge]