‘არა ომს’ – ახალქალაქში სომხეთის მხარდამჭერი აქცია გაიმართა

აქცია ახალქალაქის სტადიონზე 12:00 საათზე დაიწყო. მასში, როგორც ახალქალაქის, ისე ნინოწმინდის მუნიციპალიტეტის მცხოვრებლები მონაწილეობდნენ.

„ჩვენ სამცხე-ჯავახეთში მცხოვრები სომხები, იმის გათვალისწინებით, რაც ხდება სომხეთი-აზერბაიჯანის საზღვართან, გამოვედით აქციაზე და ვამბობთ „არა ომს“. ჩვენ ყოველთვის ვართ სომხეთის გვერდით და მხარს ვუჭერთ“, – ამბობს აქციის ერთ–ერთი მონაწილე.

შეტაკებები სომხეთ-აზერბაიჯანის საზღვარზე 12 ივლისს დაიწყო, მთიანი ყარაბაღის გამო მეზობლებს შორის 30-ზე მეტი წლის წინ დაწყებული კონფლიქტი პერიოდულად მწვავდება.

ასეთი მასშტაბის დაპირისპირება სომხეთ-აზერბაიჯანის საზღვარზე ბოლოს 2016 წელს იყო.

[რიმა სარუხანიან]